Fè Taks: kisa ou dwe konnen ?

RASIN ap envite w patisipe nan yon evènman espesyal sou Taks, ki fèt pou ede kominote ayisyèn nan pi byen konprann enpòtans taks nan peyi Etazini, kijan pou prepare l kòrèkteman, epi poukisa li enpòtan pou tout moun fè l.

Pandan rankont sa a, Marie-Catherine Joseph, yon pwofesyonèl ki gen eksperyans nan domèn taks ak sèvis kominotè, pral pataje konesans li sou:

• Wòl taks nan sistèm ameriken an

• Etap pratik pou ranpli taks san erè

• Erè moun souvan fè epi kijan pou evite yo

• Benefis pou moun ki regilyèman fè taks yo

Evènman sa a se yon inisyativ RASIN pou kontinye ede kominote a enfòme, prepare, ak pran bon desizyon ekonomik nan lavi chak jou yo.
Vini aprann, poze kesyon, epi pataje eksperyans ou nan yon anbyans ouvè ak akeyan!